UtshovDoha 254
254.1
Chaupai
कीन्ही मातु मिस काल कुचाली। ईति भीति जस पाकत साली।।
केहि बिधि होइ राम अभिषेकू। मोहि अवकलत उपाउ न एकू।।
अवसि फिरहिं गुर आयसु मानी। मुनि पुनि कहब राम रुचि जानी।।
मातु कहेहुँ बहुरहिं रघुराऊ। राम जननि हठ करबि कि काऊ।।
मोहि अनुचर कर केतिक बाता। तेहि महँ कुसमउ बाम बिधाता।।
जौं हठ करउँ त निपट कुकरमू। हरगिरि तें गुरु सेवक धरमू।।
एकउ जुगुति न मन ठहरानी। सोचत भरतहि रैनि बिहानी।।
प्रात नहाइ प्रभुहि सिर नाई। बैठत पठए रिषयँ बोलाई।।
Kinhi matu mis kal kuchali, iti bhiti jas pakat sali
Kehi bidhi hoi ram abhisheku, mohi avakalat upau na eku
Avasi phirahin gur ayasu mani, muni puni kahab ram ruchi jani
Matu kahehun bahurahin raghurau, ram janani hath karabi ki kau
Mohi anuchar kar ketik bata, tehi maham kusamau bam bidhata
Jaun hath karaum ta nipat kukaramu, haragiri ten guru sevak dharamu
Ekau juguti na man thaharani, sochat bharatahi raini bihani
Prat nahai prabhuhi sir nai, baithat pathae rishayam bolai
254.2
Doha/soratha
गुर पद कमल प्रनामु करि बैठे आयसु पाइ।
बिप्र महाजन सचिव सब जुरे सभासद आइ ॥253॥
Gur pad kamal pranamu kari baithe ayasu pai
Bipra mahajan sachiv sab jure sabhasad ai