UtshovDoha 242
242.1
Chaupai
मिलनि प्रीति किमि जाइ बखानी। कबिकुल अगम करम मन बानी।।
परम पेम पूरन दोउ भाई। मन बुधि चित अहमिति बिसराई।।
कहहु सुपेम प्रगट को करई। केहि छाया कबि मति अनुसरई।।
कबिहि अरथ आखर बलु साँचा। अनुहरि ताल गतिहि नटु नाचा।।
अगम सनेह भरत रघुबर को। जहँ न जाइ मनु बिधि हरि हर को।।
सो मैं कुमति कहौं केहि भाँती। बाज सुराग कि गाँडर ताँती।।
मिलनि बिलोकि भरत रघुबर की। सुरगन सभय धकधकी धरकी।।
समुझाए सुरगुरु जड़ जागे। बरषि प्रसून प्रसंसन लागे।।
Milani priti kimi jai bakhani, kabikul agam karam man bani
Param pem puran dou bhai, man budhi chit ahamiti bisarai
Kahahu supem pragat ko karai, kehi chhaya kabi mati anusarai
Kabihi arath akhar balu sancha, anuhari tal gatihi natu nacha
Agam saneh bharat raghubar ko, jaham na jai manu bidhi hari har ko
So main kumati kahaun kehi bhanti, baj surag ki gandar tanti
Milani biloki bharat raghubar ki, suragan sabhay dhakadhaki dharaki
Samujhae suraguru jar jage, barashi prasun prasansan lage
242.2
Doha/soratha
मिलि सपेम रिपुसूदनहि केवटु भेंटेउ राम।
भूरि भायँ भेंटे भरत लछिमन करत प्रनाम ॥241॥
Mili sapem ripusudanahi kevatu bhenteu ram
Bhuri bhayam bhente bharat lachhiman karat pranam