UtshovDoha 241
241.1
Chaupai
सानुज सखा समेत मगन मन। बिसरे हरष सोक सुख दुख गन।।
पाहि नाथ कहि पाहि गोसाई। भूतल परे लकुट की नाई।।
बचन सपेम लखन पहिचाने। करत प्रनामु भरत जियँ जाने।।
बंधु सनेह सरस एहि ओरा। उत साहिब सेवा बस जोरा।।
मिलि न जाइ नहिं गुदरत बनई। सुकबि लखन मन की गति भनई।।
रहे राखि सेवा पर भारू। चढ़ी चंग जनु खैंच खेलारू।।
कहत सप्रेम नाइ महि माथा। भरत प्रनाम करत रघुनाथा।।
उठे रामु सुनि पेम अधीरा। कहुँ पट कहुँ निषंग धनु तीरा।।
Sanuj sakha samet magan man, bisare harash sok sukh dukh gan
Pahi nath kahi pahi gosai, bhutal pare lakut ki nai
Bachan sapem lakhan pahichane, karat pranamu bharat jiyam jane
Bandhu saneh saras ehi ora, ut sahib seva bas jora
Mili na jai nahin gudarat banai, sukabi lakhan man ki gati bhanai
Rahe rakhi seva par bharu, charhi chang janu khainch khelaru
Kahat saprem nai mahi matha, bharat pranam karat raghunatha
Uthe ramu suni pem adhira, kahun pat kahun nishang dhanu tira
241.2
Doha/soratha
बरबस लिए उठाइ उर लाए कृपानिधान।
भरत राम की मिलनि लखि बिसरे सबहि अपान ॥240॥
Barabas lie uthai ur lae kripanidhan
Bharat ram ki milani lakhi bisare sabahi apan