UtshovDoha 23
23.1
Chaupai
कुबरीं करि कबुली कैकेई। कपट छुरी उर पाहन टेई।।
लखइ न रानि निकट दुखु कैंसे। चरइ हरित तिन बलिपसु जैसें।।
सुनत बात मृदु अंत कठोरी। देति मनहुँ मधु माहुर घोरी।।
कहइ चेरि सुधि अहइ कि नाही। स्वामिनि कहिहु कथा मोहि पाहीं।।
दुइ बरदान भूप सन थाती। मागहु आजु जुड़ावहु छाती।।
सुतहि राजु रामहि बनवासू। देहु लेहु सब सवति हुलासु।।
भूपति राम सपथ जब करई। तब मागेहु जेहिं बचनु न टरई।।
होइ अकाजु आजु निसि बीतें। बचनु मोर प्रिय मानेहु जी तें।।
Kubarin kari kabuli kaikei, kapat chhuri ur pahan tei
Lakhai na rani nikat dukhu kainse, charai harit tin balipasu jaisen
Sunat bat mridu ant kathori, deti manahun madhu mahur ghori
Kahai cheri sudhi ahai ki nahi, svamini kahihu katha mohi pahin
Dui baradan bhup san thati, magahu aju juravahu chhati
Sutahi raju ramahi banavasu, dehu lehu sab savati hulasu
Bhupati ram sapath jab karai, tab magehu jehin bachanu na tarai
Hoi akaju aju nisi biten, bachanu mor priy manehu ji ten
23.2
Doha/soratha
बड़ कुघातु करि पातकिनि कहेसि कोपगृहँ जाहु।
काजु सँवारेहु सजग सबु सहसा जनि पतिआहु ॥22॥
Bar kughatu kari patakini kahesi kopagriham jahu
Kaju sanvarehu sajag sabu sahasa jani patiahu