UtshovDoha 226
226.1
Chaupai
मंगल सगुन होहिं सब काहू। फरकहिं सुखद बिलोचन बाहू।।
भरतहि सहित समाज उछाहू। मिलिहहिं रामु मिटहि दुख दाहू।।
करत मनोरथ जस जियँ जाके। जाहिं सनेह सुराँ सब छाके।।
सिथिल अंग पग मग डगि डोलहिं। बिहबल बचन पेम बस बोलहिं।।
रामसखाँ तेहि समय देखावा। सैल सिरोमनि सहज सुहावा।।
जासु समीप सरित पय तीरा। सीय समेत बसहिं दोउ बीरा।।
देखि करहिं सब दंड प्रनामा। कहि जय जानकि जीवन रामा।।
प्रेम मगन अस राज समाजू। जनु फिरि अवध चले रघुराजू।।
Mangal sagun hohin sab kahu, pharakahin sukhad bilochan bahu
Bharatahi sahit samaj uchhahu, milihahin ramu mitahi dukh dahu
Karat manorath jas jiyam jake, jahin saneh suran sab chhake
Sithil ang pag mag dagi dolahin, bihabal bachan pem bas bolahin
Ramasakhan tehi samay dekhava, sail siromani sahaj suhava
Jasu samip sarit pay tira, siy samet basahin dou bira
Dekhi karahin sab dand pranama, kahi jay janaki jivan rama
Prem magan as raj samaju, janu phiri avadh chale raghuraju
226.2
Doha/soratha
भरत प्रेमु तेहि समय जस तस कहि सकइ न सेषु।
कबिहिं अगम जिमि ब्रह्मसुखु अह मम मलिन जनेषु ॥225॥
Bharat premu tehi samay jas tas kahi sakai na seshu
Kabihin agam jimi brahmasukhu ah mam malin janeshu