UtshovDoha 202
202.1
Chaupai
राम सुना दुखु कान न काऊ। जीवनतरु जिमि जोगवइ राऊ।।
पलक नयन फनि मनि जेहि भाँती। जोगवहिं जननि सकल दिन राती।।
ते अब फिरत बिपिन पदचारी। कंद मूल फल फूल अहारी।।
धिग कैकेई अमंगल मूला। भइसि प्रान प्रियतम प्रतिकूला।।
मैं धिग धिग अघ उदधि अभागी। सबु उतपातु भयउ जेहि लागी।।
कुल कलंकु करि सृजेउ बिधाताँ। साइँदोह मोहि कीन्ह कुमाताँ।।
सुनि सप्रेम समुझाव निषादू। नाथ करिअ कत बादि बिषादू।।
राम तुम्हहि प्रिय तुम्ह प्रिय रामहि। यह निरजोसु दोसु बिधि बामहि।।
Ram suna dukhu kan na kau, jivanataru jimi jogavai rau
Palak nayan phani mani jehi bhanti, jogavahin janani sakal din rati
Te ab phirat bipin padachari, kand mul phal phul ahari
Dhig kaikei amangal mula, bhaisi pran priyatam pratikula
Main dhig dhig agh udadhi abhagi, sabu utapatu bhayau jehi lagi
Kul kalanku kari srijeu bidhatan, saindoh mohi kinha kumatan
Suni saprem samujhav nishadu, nath karia kat badi bishadu
Ram tumhahi priy tumha priy ramahi, yah nirajosu dosu bidhi bamahi
202.2
Chhand
बिधि बाम की करनी कठिन जेंहिं मातु कीन्ही बावरी।
तेहि राति पुनि पुनि करहिं प्रभु सादर सरहना रावरी।।
तुलसी न तुम्ह सो राम प्रीतमु कहतु हौं सौहें किएँ।
परिनाम मंगल जानि अपने आनिए धीरजु हिएँ।।
Bidhi bam ki karani kathin jenhin matu kinhi bavari
Tehi rati puni puni karahin prabhu sadar sarahana ravari
Tulasi na tumha so ram pritamu kahatu haun sauhen kiem
Parinam mangal jani apane anie dhiraju hiem
202.3
Doha/soratha
अंतरजामी रामु सकुच सप्रेम कृपायतन।
चलिअ करिअ बिश्रामु यह बिचारि दृढ़ आनि मन ॥201॥
Antarajami ramu sakuch saprem kripayatan
Chalia karia bishramu yah bichari drirh ani man