UtshovDoha 201
201.1
Chaupai
लालन जोगु लखन लघु लोने। भे न भाइ अस अहहिं न होने।।
पुरजन प्रिय पितु मातु दुलारे। सिय रघुबरहि प्रानपिआरे।।
मृदु मूरति सुकुमार सुभाऊ। तात बाउ तन लाग न काऊ।।
ते बन सहहिं बिपति सब भाँती। निदरे कोटि कुलिस एहिं छाती।।
राम जनमि जगु कीन्ह उजागर। रूप सील सुख सब गुन सागर।।
पुरजन परिजन गुर पितु माता। राम सुभाउ सबहि सुखदाता।।
बैरिउ राम बड़ाई करहीं। बोलनि मिलनि बिनय मन हरहीं।।
सारद कोटि कोटि सत सेषा। करि न सकहिं प्रभु गुन गन लेखा।।
Lalan jogu lakhan laghu lone, bhe na bhai as ahahin na hone
Purajan priy pitu matu dulare, siy raghubarahi pranapiare
Mridu murati sukumar subhau, tat bau tan lag na kau
Te ban sahahin bipati sab bhanti, nidare koti kulis ehin chhati
Ram janami jagu kinha ujagar, rup sil sukh sab gun sagar
Purajan parijan gur pitu mata, ram subhau sabahi sukhadata
Bairiu ram barai karahin, bolani milani binay man harahin
Sarad koti koti sat sesha, kari na sakahin prabhu gun gan lekha
201.2
Doha/soratha
सुखस्वरुप रघुबंसमनि मंगल मोद निधान।
ते सोवत कुस डासि महि बिधि गति अति बलवान ॥200॥
Sukhasvarup raghubansamani mangal mod nidhan
Te sovat kus dasi mahi bidhi gati ati balavan