UtshovDoha 18
18.1
Chaupai
सादर पुनि पुनि पूँछति ओही। सबरी गान मृगी जनु मोही।।
तसि मति फिरी अहइ जसि भाबी। रहसी चेरि घात जनु फाबी।।
तुम्ह पूँछहु मैं कहत डेराऊँ। धरेउ मोर घरफोरी नाऊँ।।
सजि प्रतीति बहुबिधि गढ़ि छोली। अवध साढ़साती तब बोली।।
प्रिय सिय रामु कहा तुम्ह रानी। रामहि तुम्ह प्रिय सो फुरि बानी।।
रहा प्रथम अब ते दिन बीते। समउ फिरें रिपु होहिं पिंरीते।।
भानु कमल कुल पोषनिहारा। बिनु जल जारि करइ सोइ छारा।।
जरि तुम्हारि चह सवति उखारी। रूँधहु करि उपाउ बर बारी।।
Sadar puni puni punchhati ohi, sabari gan mrigi janu mohi
Tasi mati phiri ahai jasi bhabi, rahasi cheri ghat janu phabi
Tumha punchhahu main kahat deraum, dhareu mor gharaphori naum
Saji pratiti bahubidhi garhi chholi, avadh sarhasati tab boli
Priy siy ramu kaha tumha rani, ramahi tumha priy so phuri bani
Raha pratham ab te din bite, samau phiren ripu hohin pinrite
Bhanu kamal kul poshanihara, binu jal jari karai soi chhara
Jari tumhari chah savati ukhari, rundhahu kari upau bar bari
18.2
Doha/soratha
तुम्हहि न सोचु सोहाग बल निज बस जानहु राउ।
मन मलीन मुह मीठ नृप राउर सरल सुभाउ ॥17॥
Tumhahi na sochu sohag bal nij bas janahu rau
Man malin muh mith nrip raur saral subhau