UtshovDoha 171
171.1
Chaupai
नृपतनु बेद बिदित अन्हवावा। परम बिचित्र बिमानु बनावा।।
गहि पद भरत मातु सब राखी। रहीं रानि दरसन अभिलाषी।।
चंदन अगर भार बहु आए। अमित अनेक सुगंध सुहाए।।
सरजु तीर रचि चिता बनाई। जनु सुरपुर सोपान सुहाई।।
एहि बिधि दाह क्रिया सब कीन्ही। बिधिवत न्हाइ तिलांजुलि दीन्ही।।
सोधि सुमृति सब बेद पुराना। कीन्ह भरत दसगात बिधाना।।
जहँ जस मुनिबर आयसु दीन्हा। तहँ तस सहस भाँति सबु कीन्हा।।
भए बिसुद्ध दिए सब दाना। धेनु बाजि गज बाहन नाना।।
Nripatanu bed bidit anhavava, param bichitra bimanu banava
Gahi pad bharat matu sab rakhi, rahin rani darasan abhilashi
Chandan agar bhar bahu ae, amit anek sugandh suhae
Saraju tir rachi chita banai, janu surapur sopan suhai
Ehi bidhi dah kriya sab kinhi, bidhivat nhai tilanjuli dinhi
Sodhi sumriti sab bed purana, kinha bharat dasagat bidhana
Jaham jas munibar ayasu dinha, taham tas sahas bhanti sabu kinha
Bhae bisuddha die sab dana, dhenu baji gaj bahan nana
171.2
Doha/soratha
सिंघासन भूषन बसन अन्न धरनि धन धाम।
दिए भरत लहि भूमिसुर भे परिपूरन काम ॥170॥
Singhasan bhushan basan anna dharani dhan dham
Die bharat lahi bhumisur bhe paripuran kam