UtshovDoha 163
163.1
Chaupai
जब तैं कुमति कुमत जियँ ठयऊ। खंड खंड होइ ह्रदउ न गयऊ।।
बर मागत मन भइ नहिं पीरा। गरि न जीह मुहँ परेउ न कीरा।।
भूपँ प्रतीत तोरि किमि कीन्ही। मरन काल बिधि मति हरि लीन्ही।।
बिधिहुँ न नारि हृदय गति जानी। सकल कपट अघ अवगुन खानी।।
सरल सुसील धरम रत राऊ। सो किमि जानै तीय सुभाऊ।।
अस को जीव जंतु जग माहीं। जेहि रघुनाथ प्रानप्रिय नाहीं।।
भे अति अहित रामु तेउ तोही। को तू अहसि सत्य कहु मोही।।
जो हसि सो हसि मुहँ मसि लाई। आँखि ओट उठि बैठहिं जाई।।
Jab tain kumati kumat jiyam thayau, khand khand hoi hradau na gayau
Bar magat man bhai nahin pira, gari na jih muham pareu na kira
Bhupam pratit tori kimi kinhi, maran kal bidhi mati hari linhi
Bidhihun na nari hriday gati jani, sakal kapat agh avagun khani
Saral susil dharam rat rau, so kimi janai tiy subhau
As ko jiv jantu jag mahin, jehi raghunath pranapriy nahin
Bhe ati ahit ramu teu tohi, ko tu ahasi satya kahu mohi
Jo hasi so hasi muham masi lai, ankhi ot uthi baithahin jai
163.2
Doha/soratha
राम बिरोधी हृदय तें प्रगट कीन्ह बिधि मोहि।
मो समान को पातकी बादि कहउँ कछु तोहि ॥162॥
Ram birodhi hriday ten pragat kinha bidhi mohi
Mo saman ko pataki badi kahaum kachhu tohi