UtshovDoha 162
162.1
Chaupai
बिकल बिलोकि सुतहि समुझावति। मनहुँ जरे पर लोनु लगावति।।
तात राउ नहिं सोचे जोगू। बिढ़इ सुकृत जसु कीन्हेउ भोगू।।
जीवत सकल जनम फल पाए। अंत अमरपति सदन सिधाए।।
अस अनुमानि सोच परिहरहू। सहित समाज राज पुर करहू।।
सुनि सुठि सहमेउ राजकुमारू। पाकें छत जनु लाग अँगारू।।
धीरज धरि भरि लेहिं उसासा। पापनि सबहि भाँति कुल नासा।।
जौं पै कुरुचि रही अति तोही। जनमत काहे न मारे मोही।।
पेड़ काटि तैं पालउ सींचा। मीन जिअन निति बारि उलीचा।।
Bikal biloki sutahi samujhavati, manahun jare par lonu lagavati
Tat rau nahin soche jogu, birhai sukrit jasu kinheu bhogu
Jivat sakal janam phal pae, ant amarapati sadan sidhae
As anumani soch pariharahu, sahit samaj raj pur karahu
Suni suthi sahameu rajakumaru, paken chhat janu lag angaru
Dhiraj dhari bhari lehin usasa, papani sabahi bhanti kul nasa
Jaun pai kuruchi rahi ati tohi, janamat kahe na mare mohi
Per kati tain palau sincha, min jian niti bari ulicha
162.2
Doha/soratha
हंसबंसु दसरथु जनकु राम लखन से भाइ।
जननी तूँ जननी भई बिधि सन कछु न बसाइ ॥161॥
Hansabansu dasarathu janaku ram lakhan se bhai
Janani tun janani bhai bidhi san kachhu na basai