UtshovDoha 149
149.1
Chaupai
अति आरति सब पूँछहिं रानी। उतरु न आव बिकल भइ बानी।।
सुनइ न श्रवन नयन नहिं सूझा। कहहु कहाँ नृप तेहि तेहि बूझा।।
दासिन्ह दीख सचिव बिकलाई। कौसल्या गृहँ गईं लवाई।।
जाइ सुमंत्र दीख कस राजा। अमिअ रहित जनु चंदु बिराजा।।
आसन सयन बिभूषन हीना। परेउ भूमितल निपट मलीना।।
लेइ उसासु सोच एहि भाँती। सुरपुर तें जनु खँसेउ जजाती।।
लेत सोच भरि छिनु छिनु छाती। जनु जरि पंख परेउ संपाती।।
राम राम कह राम सनेही। पुनि कह राम लखन बैदेही।।
Ati arati sab punchhahin rani, utaru na av bikal bhai bani
Sunai na shravan nayan nahin sujha, kahahu kahan nrip tehi tehi bujha
Dasinha dikh sachiv bikalai, kausalya griham gaim lavai
Jai sumantra dikh kas raja, amia rahit janu chandu biraja
Asan sayan bibhushan hina, pareu bhumital nipat malina
Lei usasu soch ehi bhanti, surapur ten janu khanseu jajati
Let soch bhari chhinu chhinu chhati, janu jari pankh pareu sampati
Ram ram kah ram sanehi, puni kah ram lakhan baidehi
149.2
Doha/soratha
देखि सचिवँ जय जीव कहि कीन्हेउ दंड प्रनामु।
सुनत उठेउ ब्याकुल नृपति कहु सुमंत्र कहँ रामु ॥148॥
Dekhi sachivam jay jiv kahi kinheu dand pranamu
Sunat utheu byakul nripati kahu sumantra kaham ramu