UtshovDoha 143
143.1
Chaupai
जोगवहिं प्रभु सिय लखनहिं कैसें। पलक बिलोचन गोलक जैसें।।
सेवहिं लखनु सीय रघुबीरहि। जिमि अबिबेकी पुरुष सरीरहि।।
एहि बिधि प्रभु बन बसहिं सुखारी। खग मृग सुर तापस हितकारी।।
कहेउँ राम बन गवनु सुहावा। सुनहु सुमंत्र अवध जिमि आवा।।
फिरेउ निषादु प्रभुहि पहुँचाई। सचिव सहित रथ देखेसि आई।।
मंत्री बिकल बिलोकि निषादू। कहि न जाइ जस भयउ बिषादू।।
राम राम सिय लखन पुकारी। परेउ धरनितल ब्याकुल भारी।।
देखि दखिन दिसि हय हिहिनाहीं। जनु बिनु पंख बिहग अकुलाहीं।।
Jogavahin prabhu siy lakhanahin kaisen, palak bilochan golak jaisen
Sevahin lakhanu siy raghubirahi, jimi abibeki purush sarirahi
Ehi bidhi prabhu ban basahin sukhari, khag mrig sur tapas hitakari
Kaheum ram ban gavanu suhava, sunahu sumantra avadh jimi ava
Phireu nishadu prabhuhi pahunchai, sachiv sahit rath dekhesi ai
Mantri bikal biloki nishadu, kahi na jai jas bhayau bishadu
Ram ram siy lakhan pukari, pareu dharanital byakul bhari
Dekhi dakhin disi hay hihinahin, janu binu pankh bihag akulahin
143.2
Doha/soratha
नहिं तृन चरहिं पिअहिं जलु मोचहिं लोचन बारि।
ब्याकुल भए निषाद सब रघुबर बाजि निहारि ॥142॥
Nahin trin charahin piahin jalu mochahin lochan bari
Byakul bhae nishad sab raghubar baji nihari