UtshovDoha 114
114.1
Chaupai
जे पुर गाँव बसहिं मग माहीं। तिन्हहि नाग सुर नगर सिहाहीं।।
केहि सुकृतीं केहि घरीं बसाए। धन्य पुन्यमय परम सुहाए।।
जहँ जहँ राम चरन चलि जाहीं। तिन्ह समान अमरावति नाहीं।।
पुन्यपुंज मग निकट निवासी। तिन्हहि सराहहिं सुरपुरबासी।।
जे भरि नयन बिलोकहिं रामहि। सीता लखन सहित घनस्यामहि।।
जे सर सरित राम अवगाहहिं। तिन्हहि देव सर सरित सराहहिं।।
जेहि तरु तर प्रभु बैठहिं जाई। करहिं कलपतरु तासु बड़ाई।।
परसि राम पद पदुम परागा। मानति भूमि भूरि निज भागा।।
Je pur ganv basahin mag mahin, tinhahi nag sur nagar sihahin
Kehi sukritin kehi gharin basae, dhanya punyamay param suhae
Jaham jaham ram charan chali jahin, tinha saman amaravati nahin
Punyapunj mag nikat nivasi, tinhahi sarahahin surapurabasi
Je bhari nayan bilokahin ramahi, sita lakhan sahit ghanasyamahi
Je sar sarit ram avagahahin, tinhahi dev sar sarit sarahahin
Jehi taru tar prabhu baithahin jai, karahin kalapataru tasu barai
Parasi ram pad padum paraga, manati bhumi bhuri nij bhaga
114.2
Doha/soratha
छाँह करहि घन बिबुधगन बरषहि सुमन सिहाहिं।
देखत गिरि बन बिहग मृग रामु चले मग जाहिं ॥113॥
Chhanh karahi ghan bibudhagan barashahi suman sihahin
Dekhat giri ban bihag mrig ramu chale mag jahin