UtshovDoha 113
113.1
Chaupai
पुनि सियँ राम लखन कर जोरी। जमुनहि कीन्ह प्रनामु बहोरी।।
चले ससीय मुदित दोउ भाई। रबितनुजा कइ करत बड़ाई।।
पथिक अनेक मिलहिं मग जाता। कहहिं सप्रेम देखि दोउ भ्राता।।
राज लखन सब अंग तुम्हारें। देखि सोचु अति हृदय हमारें।।
मारग चलहु पयादेहि पाएँ। ज्योतिषु झूठ हमारें भाएँ।।
अगमु पंथ गिरि कानन भारी। तेहि महँ साथ नारि सुकुमारी।।
करि केहरि बन जाइ न जोई। हम सँग चलहि जो आयसु होई।।
जाब जहाँ लगि तहँ पहुँचाई। फिरब बहोरि तुम्हहि सिरु नाई।।
Puni siyam ram lakhan kar jori, jamunahi kinha pranamu bahori
Chale sasiy mudit dou bhai, rabitanuja kai karat barai
Pathik anek milahin mag jata, kahahin saprem dekhi dou bhrata
Raj lakhan sab ang tumharen, dekhi sochu ati hriday hamaren
Marag chalahu payadehi paem, jyotishu jhuth hamaren bhaem
Agamu panth giri kanan bhari, tehi maham sath nari sukumari
Kari kehari ban jai na joi, ham sang chalahi jo ayasu hoi
Jab jahan lagi taham pahunchai, phirab bahori tumhahi siru nai
113.2
Doha/soratha
एहि बिधि पूँछहिं प्रेम बस पुलक गात जलु नैन।
कृपासिंधु फेरहि तिन्हहि कहि बिनीत मृदु बैन ॥112॥
Ehi bidhi punchhahin prem bas pulak gat jalu nain
Kripasindhu pherahi tinhahi kahi binit mridu bain