UtshovDoha 108
108.1
Chaupai
कुसल प्रस्न करि आसन दीन्हे। पूजि प्रेम परिपूरन कीन्हे।।
कंद मूल फल अंकुर नीके। दिए आनि मुनि मनहुँ अमी के।।
सीय लखन जन सहित सुहाए। अति रुचि राम मूल फल खाए।।
भए बिगतश्रम रामु सुखारे। भरव्दाज मृदु बचन उचारे।।
आजु सुफल तपु तीरथ त्यागू। आजु सुफल जप जोग बिरागू।।
सफल सकल सुभ साधन साजू। राम तुम्हहि अवलोकत आजू।।
लाभ अवधि सुख अवधि न दूजी। तुम्हारें दरस आस सब पूजी।।
अब करि कृपा देहु बर एहू। निज पद सरसिज सहज सनेहू।।
Kusal prasna kari asan dinhe, puji prem paripuran kinhe
Kand mul phal ankur nike, die ani muni manahun ami ke
Siy lakhan jan sahit suhae, ati ruchi ram mul phal khae
Bhae bigatashram ramu sukhare, bharavdaj mridu bachan uchare
Aju suphal tapu tirath tyagu, aju suphal jap jog biragu
Saphal sakal subh sadhan saju, ram tumhahi avalokat aju
Labh avadhi sukh avadhi na duji, tumharen daras as sab puji
Ab kari kripa dehu bar ehu, nij pad sarasij sahaj sanehu
108.2
Doha/soratha
करम बचन मन छाड़ि छलु जब लगि जनु न तुम्हार।
तब लगि सुखु सपनेहुँ नहीं किएँ कोटि उपचार।।
Karam bachan man chhari chhalu jab lagi janu na tumhar
Tab lagi sukhu sapanehun nahin kiem koti upachar