UtshovDoha 107
107.1
Chaupai
को कहि सकइ प्रयाग प्रभाऊ। कलुष पुंज कुंजर मृगराऊ।।
अस तीरथपति देखि सुहावा। सुख सागर रघुबर सुखु पावा।।
कहि सिय लखनहि सखहि सुनाई। श्रीमुख तीरथराज बड़ाई।।
करि प्रनामु देखत बन बागा। कहत महातम अति अनुरागा।।
एहि बिधि आइ बिलोकी बेनी। सुमिरत सकल सुमंगल देनी।।
मुदित नहाइ कीन्हि सिव सेवा। पुजि जथाबिधि तीरथ देवा।।
तब प्रभु भरद्वाज पहिं आए। करत दंडवत मुनि उर लाए।।
मुनि मन मोद न कछु कहि जाइ। ब्रह्मानंद रासि जनु पाई।।
Ko kahi sakai prayag prabhau, kalush punj kunjar mrigarau
As tirathapati dekhi suhava, sukh sagar raghubar sukhu pava
Kahi siy lakhanahi sakhahi sunai, shrimukh tiratharaj barai
Kari pranamu dekhat ban baga, kahat mahatam ati anuraga
Ehi bidhi ai biloki beni, sumirat sakal sumangal deni
Mudit nahai kinhi siv seva, puji jathabidhi tirath deva
Tab prabhu bharadvaj pahin ae, karat dandavat muni ur lae
Muni man mod na kachhu kahi jai, brahmanand rasi janu pai
107.2
Doha/soratha
दीन्हि असीस मुनीस उर अति अनंदु अस जानि।
लोचन गोचर सुकृत फल मनहुँ किए बिधि आनि ॥106॥
Dinhi asis munis ur ati anandu as jani
Lochan gochar sukrit phal manahun kie bidhi ani