UtshovDoha 93
93.1
Chaupai
सिवहि संभु गन करहिं सिंगारा। जटा मुकुट अहि मौरु सँवारा।।
कुंडल कंकन पहिरे ब्याला। तन बिभूति पट केहरि छाला।।
ससि ललाट सुंदर सिर गंगा। नयन तीनि उपबीत भुजंगा।।
गरल कंठ उर नर सिर माला। असिव बेष सिवधाम कृपाला।।
कर त्रिसूल अरु डमरु बिराजा। चले बसहँ चढ़ि बाजहिं बाजा।।
देखि सिवहि सुरत्रिय मुसुकाहीं। बर लायक दुलहिनि जग नाहीं।।
बिष्नु बिरंचि आदि सुरब्राता। चढ़ि चढ़ि बाहन चले बराता।।
सुर समाज सब भाँति अनूपा। नहिं बरात दूलह अनुरूपा।।
Sivahi sambhu gan karahin singara, jata mukut ahi mauru sanvara
Kundal kankan pahire byala, tan bibhuti pat kehari chhala
Sasi lalat sundar sir ganga, nayan tini upabit bhujanga
Garal kanth ur nar sir mala, asiv besh sivadham kripala
Kar trisul aru damaru biraja, chale basaham charhi bajahin baja
Dekhi sivahi suratriy musukahin, bar layak dulahini jag nahin
Bishnu biranchi adi surabrata, charhi charhi bahan chale barata
Sur samaj sab bhanti anupa, nahin barat dulah anurupa
93.2
Doha/soratha
बिष्नु कहा अस बिहसि तब बोलि सकल दिसिराज।
बिलग बिलग होइ चलहु सब निज निज सहित समाज ॥92॥
Bishnu kaha as bihasi tab boli sakal disiraj
Bilag bilag hoi chalahu sab nij nij sahit samaj