UtshovDoha 88
88.1
Chaupai
देखि रसाल बिटप बर साखा। तेहि पर चढ़ेउ मदनु मन माखा।।
सुमन चाप निज सर संधाने। अति रिस ताकि श्रवन लगि ताने।।
छाड़े बिषम बिसिख उर लागे। छुटि समाधि संभु तब जागे।।
भयउ ईस मन छोभु बिसेषी। नयन उघारि सकल दिसि देखी।।
सौरभ पल्लव मदनु बिलोका। भयउ कोपु कंपेउ त्रैलोका।।
तब सिवँ तीसर नयन उघारा। चितवत कामु भयउ जरि छारा।।
हाहाकार भयउ जग भारी। डरपे सुर भए असुर सुखारी।।
समुझि कामसुखु सोचहिं भोगी। भए अकंटक साधक जोगी।।
Dekhi rasal bitap bar sakha, tehi par charheu madanu man makha
Suman chap nij sar sandhane, ati ris taki shravan lagi tane
Chhare bisham bisikh ur lage, chhuti samadhi sambhu tab jage
Bhayau is man chhobhu biseshi, nayan ughari sakal disi dekhi
Saurabh pallav madanu biloka, bhayau kopu kampeu trailoka
Tab sivam tisar nayan ughara, chitavat kamu bhayau jari chhara
Hahakar bhayau jag bhari, darape sur bhae asur sukhari
Samujhi kamasukhu sochahin bhogi, bhae akantak sadhak jogi
88.2
Chhand
जोगि अकंटक भए पति गति सुनत रति मुरुछित भई।
रोदति बदति बहु भाँति करुना करति संकर पहिं गई।
अति प्रेम करि बिनती बिबिध बिधि जोरि कर सन्मुख रही।
प्रभु आसुतोष कृपाल सिव अबला निरखि बोले सही।।
Jogi akantak bhae pati gati sunat rati muruchhit bhai
Rodati badati bahu bhanti karuna karati sankar pahin gai
Ati prem kari binati bibidh bidhi jori kar sanmukh rahi
Prabhu asutosh kripal siv abala nirakhi bole sahi
88.3
Doha/soratha
अब तें रति तव नाथ कर होइहि नामु अनंगु।
बिनु बपु ब्यापिहि सबहि पुनि सुनु निज मिलन प्रसंगु ॥87॥
Ab ten rati tav nath kar hoihi namu anangu
Binu bapu byapihi sabahi puni sunu nij milan prasangu