UtshovDoha 73
73.1
Chaupai
अब जौ तुम्हहि सुता पर नेहू। तौ अस जाइ सिखावन देहू।।
करै सो तपु जेहिं मिलहिं महेसू। आन उपायँ न मिटहि कलेसू।।
नारद बचन सगर्भ सहेतू। सुंदर सब गुन निधि बृषकेतू।।
अस बिचारि तुम्ह तजहु असंका। सबहि भाँति संकरु अकलंका।।
सुनि पति बचन हरषि मन माहीं। गई तुरत उठि गिरिजा पाहीं।।
उमहि बिलोकि नयन भरे बारी। सहित सनेह गोद बैठारी।।
बारहिं बार लेति उर लाई। गदगद कंठ न कछु कहि जाई।।
जगत मातु सर्बग्य भवानी। मातु सुखद बोलीं मृदु बानी।।
Ab jau tumhahi suta par nehu, tau as jai sikhavan dehu
Karai so tapu jehin milahin mahesu, an upayam na mitahi kalesu
Narad bachan sagarbha sahetu, sundar sab gun nidhi brishaketu
As bichari tumha tajahu asanka, sabahi bhanti sankaru akalanka
Suni pati bachan harashi man mahin, gai turat uthi girija pahin
Umahi biloki nayan bhare bari, sahit saneh god baithari
Barahin bar leti ur lai, gadagad kanth na kachhu kahi jai
Jagat matu sarbagya bhavani, matu sukhad bolin mridu bani
73.2
Doha/soratha
सुनहि मातु मैं दीख अस सपन सुनावउँ तोहि।
सुंदर गौर सुबिप्रबर अस उपदेसेउ मोहि ॥72॥
Sunahi matu main dikh as sapan sunavaum tohi
Sundar gaur subiprabar as upadeseu mohi