UtshovDoha 72
72.1
Chaupai
कहि अस ब्रह्मभवन मुनि गयऊ। आगिल चरित सुनहु जस भयऊ।।
पतिहि एकांत पाइ कह मैना। नाथ न मैं समुझे मुनि बैना।।
जौं घरु बरु कुलु होइ अनूपा। करिअ बिबाहु सुता अनुरुपा।।
न त कन्या बरु रहउ कुआरी। कंत उमा मम प्रानपिआरी।।
जौं न मिलहि बरु गिरिजहि जोगू। गिरि जड़ सहज कहिहि सबु लोगू।।
सोइ बिचारि पति करेहु बिबाहू। जेहिं न बहोरि होइ उर दाहू।।
अस कहि परि चरन धरि सीसा। बोले सहित सनेह गिरीसा।।
बरु पावक प्रगटै ससि माहीं। नारद बचनु अन्यथा नाहीं।।
Kahi as brahmabhavan muni gayau, agil charit sunahu jas bhayau
Patihi ekant pai kah maina, nath na main samujhe muni baina
Jaun gharu baru kulu hoi anupa, karia bibahu suta anurupa
Na ta kanya baru rahau kuari, kant uma mam pranapiari
Jaun na milahi baru girijahi jogu, giri jar sahaj kahihi sabu logu
Soi bichari pati karehu bibahu, jehin na bahori hoi ur dahu
As kahi pari charan dhari sisa, bole sahit saneh girisa
Baru pavak pragatai sasi mahin, narad bachanu anyatha nahin
72.2
Doha/soratha
प्रिया सोचु परिहरहु सबु सुमिरहु श्रीभगवान।
पारबतिहि निरमयउ जेहिं सोइ करिहि कल्यान ॥71॥
Priya sochu pariharahu sabu sumirahu shribhagavan
Parabatihi niramayau jehin soi karihi kalyan