UtshovDoha 342
342.1
Chaupai
मुनि मंडलिहि जनक सिरु नावा। आसिरबादु सबहि सन पावा।।
सादर पुनि भेंटे जामाता। रूप सील गुन निधि सब भ्राता।।
जोरि पंकरुह पानि सुहाए। बोले बचन प्रेम जनु जाए।।
राम करौ केहि भाँति प्रसंसा। मुनि महेस मन मानस हंसा।।
करहिं जोग जोगी जेहि लागी। कोहु मोहु ममता मदु त्यागी।।
ब्यापकु ब्रह्मु अलखु अबिनासी। चिदानंदु निरगुन गुनरासी।।
मन समेत जेहि जान न बानी। तरकि न सकहिं सकल अनुमानी।।
महिमा निगमु नेति कहि कहई। जो तिहुँ काल एकरस रहई।।
Muni mandalihi janak siru nava, asirabadu sabahi san pava
Sadar puni bhente jamata, rup sil gun nidhi sab bhrata
Jori pankaruh pani suhae, bole bachan prem janu jae
Ram karau kehi bhanti prasansa, muni mahes man manas hansa
Karahin jog jogi jehi lagi, kohu mohu mamata madu tyagi
Byapaku brahmu alakhu abinasi, chidanandu niragun gunarasi
Man samet jehi jan na bani, taraki na sakahin sakal anumani
Mahima nigamu neti kahi kahai, jo tihun kal ekaras rahai
342.2
Doha/soratha
नयन बिषय मो कहुँ भयउ सो समस्त सुख मूल।
सबइ लाभु जग जीव कहँ भएँ ईसु अनुकुल ॥341॥
Nayan bishay mo kahun bhayau so samasta sukh mul
Sabai labhu jag jiv kaham bhaem isu anukul