UtshovDoha 301
301.1
Chaupai
कलित करिबरन्हि परीं अँबारीं। कहि न जाहिं जेहि भाँति सँवारीं।।
चले मत्तगज घंट बिराजी। मनहुँ सुभग सावन घन राजी।।
बाहन अपर अनेक बिधाना। सिबिका सुभग सुखासन जाना।।
तिन्ह चढ़ि चले बिप्रबर बृन्दा। जनु तनु धरें सकल श्रुति छंदा।।
मागध सूत बंदि गुनगायक। चले जान चढ़ि जो जेहि लायक।।
बेसर ऊँट बृषभ बहु जाती। चले बस्तु भरि अगनित भाँती।।
कोटिन्ह काँवरि चले कहारा। बिबिध बस्तु को बरनै पारा।।
चले सकल सेवक समुदाई। निज निज साजु समाजु बनाई।।
Kalit karibaranhi parin ambarin, kahi na jahin jehi bhanti sanvarin
Chale mattagaj ghant biraji, manahun subhag savan ghan raji
Bahan apar anek bidhana, sibika subhag sukhasan jana
Tinha charhi chale biprabar brinda, janu tanu dharen sakal shruti chhanda
Magadh sut bandi gunagayak, chale jan charhi jo jehi layak
Besar unt brishabh bahu jati, chale bastu bhari aganit bhanti
Kotinha kanvari chale kahara, bibidh bastu ko baranai para
Chale sakal sevak samudai, nij nij saju samaju banai
301.2
Doha/soratha
सब कें उर निर्भर हरषु पूरित पुलक सरीर।
कबहिं देखिबे नयन भरि रामु लखनू दोउ बीर ॥300॥
Sab ken ur nirbhar harashu purit pulak sarir
Kabahin dekhibe nayan bhari ramu lakhanu dou bir