UtshovDoha 285
285.1
Chaupai
देव दनुज भूपति भट नाना। समबल अधिक होउ बलवाना।।
जौं रन हमहि पचारै कोऊ। लरहिं सुखेन कालु किन होऊ।।
छत्रिय तनु धरि समर सकाना। कुल कलंकु तेहिं पावँर आना।।
कहउँ सुभाउ न कुलहि प्रसंसी। कालहु डरहिं न रन रघुबंसी।।
बिप्रबंस कै असि प्रभुताई। अभय होइ जो तुम्हहि डेराई।।
सुनु मृदु गूढ़ बचन रघुपति के। उघरे पटल परसुधर मति के।।
राम रमापति कर धनु लेहू। खैंचहु मिटै मोर संदेहू।।
देत चापु आपुहिं चलि गयऊ। परसुराम मन बिसमय भयऊ।।
Dev danuj bhupati bhat nana, samabal adhik hou balavana
Jaun ran hamahi pacharai kou, larahin sukhen kalu kin hou
Chhatriy tanu dhari samar sakana, kul kalanku tehin pavanr ana
Kahaum subhau na kulahi prasansi, kalahu darahin na ran raghubansi
Biprabans kai asi prabhutai, abhay hoi jo tumhahi derai
Sunu mridu gurh bachan raghupati ke, ughare patal parasudhar mati ke
Ram ramapati kar dhanu lehu, khainchahu mitai mor sandehu
Det chapu apuhin chali gayau, parasuram man bisamay bhayau
285.2
Doha/soratha
जाना राम प्रभाउ तब पुलक प्रफुल्लित गात।
जोरि पानि बोले बचन ह्दयँ न प्रेमु अमात ॥284॥
Jana ram prabhau tab pulak praphullit gat
Jori pani bole bachan hdayam na premu amat