UtshovDoha 284
284.1
Chaupai
निपटहिं द्विज करि जानहि मोही। मैं जस बिप्र सुनावउँ तोही।।
चाप स्त्रुवा सर आहुति जानू। कोप मोर अति घोर कृसानु।।
समिधि सेन चतुरंग सुहाई। महा महीप भए पसु आई।।
मै एहि परसु काटि बलि दीन्हे। समर जग्य जप कोटिन्ह कीन्हे।।
मोर प्रभाउ बिदित नहिं तोरें। बोलसि निदरि बिप्र के भोरें।।
भंजेउ चापु दापु बड़ बाढ़ा। अहमिति मनहुँ जीति जगु ठाढ़ा।।
राम कहा मुनि कहहु बिचारी। रिस अति बड़ि लघु चूक हमारी।।
छुअतहिं टूट पिनाक पुराना। मैं कहि हेतु करौं अभिमाना।।
Nipatahin dvij kari janahi mohi, main jas bipra sunavaum tohi
Chap struva sar ahuti janu, kop mor ati ghor krisanu
Samidhi sen chaturang suhai, maha mahip bhae pasu ai
Mai ehi parasu kati bali dinhe, samar jagya jap kotinha kinhe
Mor prabhau bidit nahin toren, bolasi nidari bipra ke bhoren
Bhanjeu chapu dapu bar barha, ahamiti manahun jiti jagu tharha
Ram kaha muni kahahu bichari, ris ati bari laghu chuk hamari
Chhuatahin tut pinak purana, main kahi hetu karaun abhimana
284.2
Doha/soratha
जौं हम निदरहिं बिप्र बदि सत्य सुनहु भृगुनाथ।
तौ अस को जग सुभटु जेहि भय बस नावहिं माथ ॥283॥
Jaun ham nidarahin bipra badi satya sunahu bhrigunath
Tau as ko jag subhatu jehi bhay bas navahin math