UtshovDoha 254
254.1
Chaupai
रघुबंसिन्ह महुँ जहँ कोउ होई। तेहिं समाज अस कहइ न कोई।।
कही जनक जसि अनुचित बानी। बिद्यमान रघुकुल मनि जानी।।
सुनहु भानुकुल पंकज भानू। कहउँ सुभाउ न कछु अभिमानू।।
जौ तुम्हारि अनुसासन पावौं। कंदुक इव ब्रह्मांड उठावौं।।
काचे घट जिमि डारौं फोरी। सकउँ मेरु मूलक जिमि तोरी।।
तव प्रताप महिमा भगवाना। को बापुरो पिनाक पुराना।।
नाथ जानि अस आयसु होऊ। कौतुकु करौं बिलोकिअ सोऊ।।
कमल नाल जिमि चाफ चढ़ावौं। जोजन सत प्रमान लै धावौं।।
Raghubansinha mahun jaham kou hoi, tehin samaj as kahai na koi
Kahi janak jasi anuchit bani, bidyaman raghukul mani jani
Sunahu bhanukul pankaj bhanu, kahaum subhau na kachhu abhimanu
Jau tumhari anusasan pavaun, kanduk iv brahmand uthavaun
Kache ghat jimi daraun phori, sakaum meru mulak jimi tori
Tav pratap mahima bhagavana, ko bapuro pinak purana
Nath jani as ayasu hou, kautuku karaun bilokia sou
Kamal nal jimi chaph charhavaun, jojan sat praman lai dhavaun
254.2
Doha/soratha
तोरौं छत्रक दंड जिमि तव प्रताप बल नाथ।
जौं न करौं प्रभु पद सपथ कर न धरौं धनु भाथ ॥253॥
Toraun chhatrak dand jimi tav pratap bal nath
Jaun na karaun prabhu pad sapath kar na dharaun dhanu bhath