UtshovDoha 252
252.1
Chaupai
भूप सहस दस एकहि बारा। लगे उठावन टरइ न टारा।।
डगइ न संभु सरासन कैसें। कामी बचन सती मनु जैसें।।
सब नृप भए जोगु उपहासी। जैसें बिनु बिराग संन्यासी।।
कीरति बिजय बीरता भारी। चले चाप कर बरबस हारी।।
श्रीहत भए हारि हियँ राजा। बैठे निज निज जाइ समाजा।।
नृपन्ह बिलोकि जनकु अकुलाने। बोले बचन रोष जनु साने।।
दीप दीप के भूपति नाना। आए सुनि हम जो पनु ठाना।।
देव दनुज धरि मनुज सरीरा। बिपुल बीर आए रनधीरा।।
Bhup sahas das ekahi bara, lage uthavan tarai na tara
Dagai na sambhu sarasan kaisen, kami bachan sati manu jaisen
Sab nrip bhae jogu upahasi, jaisen binu birag sannyasi
Kirati bijay birata bhari, chale chap kar barabas hari
Shrihat bhae hari hiyam raja, baithe nij nij jai samaja
Nripanha biloki janaku akulane, bole bachan rosh janu sane
Dip dip ke bhupati nana, ae suni ham jo panu thana
Dev danuj dhari manuj sarira, bipul bir ae ranadhira
252.2
Doha/soratha
कुअँरि मनोहर बिजय बड़ि कीरति अति कमनीय।
पावनिहार बिरंचि जनु रचेउ न धनु दमनीय ॥251॥
Kuanri manohar bijay bari kirati ati kamaniy
Pavanihar biranchi janu racheu na dhanu damaniy