UtshovDoha 247
247.1
Chaupai
ब्यर्थ मरहु जनि गाल बजाई। मन मोदकन्हि कि भूख बुताई।।
सिख हमारि सुनि परम पुनीता। जगदंबा जानहु जियँ सीता।।
जगत पिता रघुपतिहि बिचारी। भरि लोचन छबि लेहु निहारी।।
सुंदर सुखद सकल गुन रासी। ए दोउ बंधु संभु उर बासी।।
सुधा समुद्र समीप बिहाई। मृगजलु निरखि मरहु कत धाई।।
करहु जाइ जा कहुँ जोई भावा। हम तौ आजु जनम फलु पावा।।
अस कहि भले भूप अनुरागे। रूप अनूप बिलोकन लागे।।
देखहिं सुर नभ चढ़े बिमाना। बरषहिं सुमन करहिं कल गाना।।
Byartha marahu jani gal bajai, man modakanhi ki bhukh butai
Sikh hamari suni param punita, jagadamba janahu jiyam sita
Jagat pita raghupatihi bichari, bhari lochan chhabi lehu nihari
Sundar sukhad sakal gun rasi, e dou bandhu sambhu ur basi
Sudha samudra samip bihai, mrigajalu nirakhi marahu kat dhai
Karahu jai ja kahun joi bhava, ham tau aju janam phalu pava
As kahi bhale bhup anurage, rup anup bilokan lage
Dekhahin sur nabh charhe bimana, barashahin suman karahin kal gana
247.2
Doha/soratha
जानि सुअवसरु सीय तब पठई जनक बोलाई।
चतुर सखीं सुंदर सकल सादर चलीं लवाईं ॥246॥
Jani suavasaru siy tab pathai janak bolai
Chatur sakhin sundar sakal sadar chalin lavaim