UtshovDoha 240
240.1
Chaupai
नृप सब नखत करहिं उजिआरी। टारि न सकहिं चाप तम भारी।।
कमल कोक मधुकर खग नाना। हरषे सकल निसा अवसाना।।
ऐसेहिं प्रभु सब भगत तुम्हारे। होइहहिं टूटें धनुष सुखारे।।
उयउ भानु बिनु श्रम तम नासा। दुरे नखत जग तेजु प्रकासा।।
रबि निज उदय ब्याज रघुराया। प्रभु प्रतापु सब नृपन्ह दिखाया।।
तव भुज बल महिमा उदघाटी। प्रगटी धनु बिघटन परिपाटी।।
बंधु बचन सुनि प्रभु मुसुकाने। होइ सुचि सहज पुनीत नहाने।।
नित्यक्रिया करि गुरु पहिं आए। चरन सरोज सुभग सिर नाए।।
सतानंदु तब जनक बोलाए। कौसिक मुनि पहिं तुरत पठाए।।
जनक बिनय तिन्ह आइ सुनाई। हरषे बोलि लिए दोउ भाई।।
Nrip sab nakhat karahin ujiari, tari na sakahin chap tam bhari
Kamal kok madhukar khag nana, harashe sakal nisa avasana
Aisehin prabhu sab bhagat tumhare, hoihahin tuten dhanush sukhare
Uyau bhanu binu shram tam nasa, dure nakhat jag teju prakasa
Rabi nij uday byaj raghuraya, prabhu pratapu sab nripanha dikhaya
Tav bhuj bal mahima udaghati, pragati dhanu bighatan paripati
Bandhu bachan suni prabhu musukane, hoi suchi sahaj punit nahane
Nityakriya kari guru pahin ae, charan saroj subhag sir nae
Satanandu tab janak bolae, kausik muni pahin turat pathae
Janak binay tinha ai sunai, harashe boli lie dou bhai
240.2
Doha/soratha
सतानंदपद बंदि प्रभु बैठे गुर पहिं जाइ।
चलहु तात मुनि कहेउ तब पठवा जनक बोलाइ ॥239॥
Satanandapad bandi prabhu baithe gur pahin jai
Chalahu tat muni kaheu tab pathava janak bolai