UtshovDoha 238
238.1
Chaupai
हृदयँ सराहत सीय लोनाई। गुर समीप गवने दोउ भाई।।
राम कहा सबु कौसिक पाहीं। सरल सुभाउ छुअत छल नाहीं।।
सुमन पाइ मुनि पूजा कीन्ही। पुनि असीस दुहु भाइन्ह दीन्ही।।
सुफल मनोरथ होहुँ तुम्हारे। रामु लखनु सुनि भए सुखारे।।
करि भोजनु मुनिबर बिग्यानी। लगे कहन कछु कथा पुरानी।।
बिगत दिवसु गुरु आयसु पाई। संध्या करन चले दोउ भाई।।
प्राची दिसि ससि उयउ सुहावा। सिय मुख सरिस देखि सुखु पावा।।
बहुरि बिचारु कीन्ह मन माहीं। सीय बदन सम हिमकर नाहीं।।
Hridayam sarahat siy lonai, gur samip gavane dou bhai
Ram kaha sabu kausik pahin, saral subhau chhuat chhal nahin
Suman pai muni puja kinhi, puni asis duhu bhainha dinhi
Suphal manorath hohun tumhare, ramu lakhanu suni bhae sukhare
Kari bhojanu munibar bigyani, lage kahan kachhu katha purani
Bigat divasu guru ayasu pai, sandhya karan chale dou bhai
Prachi disi sasi uyau suhava, siy mukh saris dekhi sukhu pava
Bahuri bicharu kinha man mahin, siy badan sam himakar nahin
238.2
Doha/soratha
जनमु सिंधु पुनि बंधु बिषु दिन मलीन सकलंक।
सिय मुख समता पाव किमि चंदु बापुरो रंक ॥237॥
Janamu sindhu puni bandhu bishu din malin sakalank
Siy mukh samata pav kimi chandu bapuro rank