UtshovDoha 235
235.1
Chaupai
धरि धीरजु एक आलि सयानी। सीता सन बोली गहि पानी।।
बहुरि गौरि कर ध्यान करेहू। भूपकिसोर देखि किन लेहू।।
सकुचि सीयँ तब नयन उघारे। सनमुख दोउ रघुसिंघ निहारे।।
नख सिख देखि राम कै सोभा। सुमिरि पिता पनु मनु अति छोभा।।
परबस सखिन्ह लखी जब सीता। भयउ गहरु सब कहहि सभीता।।
पुनि आउब एहि बेरिआँ काली। अस कहि मन बिहसी एक आली।।
गूढ़ गिरा सुनि सिय सकुचानी। भयउ बिलंबु मातु भय मानी।।
धरि बड़ि धीर रामु उर आने। फिरि अपनपउ पितुबस जाने।।
Dhari dhiraju ek ali sayani, sita san boli gahi pani
Bahuri gauri kar dhyan karehu, bhupakisor dekhi kin lehu
Sakuchi siyam tab nayan ughare, sanamukh dou raghusingh nihare
Nakh sikh dekhi ram kai sobha, sumiri pita panu manu ati chhobha
Parabas sakhinha lakhi jab sita, bhayau gaharu sab kahahi sabhita
Puni aub ehi beriam kali, as kahi man bihasi ek ali
Gurh gira suni siy sakuchani, bhayau bilambu matu bhay mani
Dhari bari dhir ramu ur ane, phiri apanapau pitubas jane
235.2
Doha/soratha
देखन मिस मृग बिहग तरु फिरइ बहोरि बहोरि।
निरखि निरखि रघुबीर छबि बाढ़इ प्रीति न थोरि ॥234॥
Dekhan mis mrig bihag taru phirai bahori bahori
Nirakhi nirakhi raghubir chhabi barhai priti na thori