UtshovDoha 234
234.1
Chaupai
सोभा सीवँ सुभग दोउ बीरा। नील पीत जलजाभ सरीरा।।
मोरपंख सिर सोहत नीके। गुच्छ बीच बिच कुसुम कली के।।
भाल तिलक श्रमबिंदु सुहाए। श्रवन सुभग भूषन छबि छाए।।
बिकट भृकुटि कच घूघरवारे। नव सरोज लोचन रतनारे।।
चारु चिबुक नासिका कपोला। हास बिलास लेत मनु मोला।।
मुखछबि कहि न जाइ मोहि पाहीं। जो बिलोकि बहु काम लजाहीं।।
उर मनि माल कंबु कल गीवा। काम कलभ कर भुज बलसींवा।।
सुमन समेत बाम कर दोना। सावँर कुअँर सखी सुठि लोना।।
Sobha sivam subhag dou bira, nil pit jalajabh sarira
Morapankh sir sohat nike, guchchha bich bich kusum kali ke
Bhal tilak shramabindu suhae, shravan subhag bhushan chhabi chhae
Bikat bhrikuti kach ghugharavare, nav saroj lochan ratanare
Charu chibuk nasika kapola, has bilas let manu mola
Mukhachhabi kahi na jai mohi pahin, jo biloki bahu kam lajahin
Ur mani mal kambu kal giva, kam kalabh kar bhuj balasinva
Suman samet bam kar dona, savanr kuanr sakhi suthi lona
234.2
Doha/soratha
केहरि कटि पट पीत धर सुषमा सील निधान।
देखि भानुकुलभूषनहि बिसरा सखिन्ह अपान ॥233॥
Kehari kati pat pit dhar sushama sil nidhan
Dekhi bhanukulabhushanahi bisara sakhinha apan