UtshovDoha 211
211.1
Chaupai
प्रात कहा मुनि सन रघुराई। निर्भय जग्य करहु तुम्ह जाई।।
होम करन लागे मुनि झारी। आपु रहे मख कीं रखवारी।।
सुनि मारीच निसाचर क्रोही। लै सहाय धावा मुनिद्रोही।।
बिनु फर बान राम तेहि मारा। सत जोजन गा सागर पारा।।
पावक सर सुबाहु पुनि मारा। अनुज निसाचर कटकु सँघारा।।
मारि असुर द्विज निर्मयकारी। अस्तुति करहिं देव मुनि झारी।।
तहँ पुनि कछुक दिवस रघुराया। रहे कीन्हि बिप्रन्ह पर दाया।।
भगति हेतु बहु कथा पुराना। कहे बिप्र जद्यपि प्रभु जाना।।
तब मुनि सादर कहा बुझाई। चरित एक प्रभु देखिअ जाई।।
धनुषजग्य मुनि रघुकुल नाथा। हरषि चले मुनिबर के साथा।।
आश्रम एक दीख मग माहीं। खग मृग जीव जंतु तहँ नाहीं।।
पूछा मुनिहि सिला प्रभु देखी। सकल कथा मुनि कहा बिसेषी।।
Prat kaha muni san raghurai, nirbhay jagya karahu tumha jai
Hom karan lage muni jhari, apu rahe makh kin rakhavari
Suni marich nisachar krohi, lai sahaya dhava munidrohi
Binu phar ban ram tehi mara, sat jojan ga sagar para
Pavak sar subahu puni mara, anuj nisachar kataku sanghara
Mari asur dvij nirmayakari, astuti karahin dev muni jhari
Taham puni kachhuk divas raghuraya, rahe kinhi bipranha par daya
Bhagati hetu bahu katha purana, kahe bipra jadyapi prabhu jana
Tab muni sadar kaha bujhai, charit ek prabhu dekhia jai
Dhanushajagya muni raghukul natha, harashi chale munibar ke satha
Ashram ek dikh mag mahin, khag mrig jiv jantu taham nahin
Puchha munihi sila prabhu dekhi, sakal katha muni kaha biseshi
211.2
Doha/soratha
गौतम नारि श्राप बस उपल देह धरि धीर।
चरन कमल रज चाहति कृपा करहु रघुबीर ॥210॥
Gautam nari shrap bas upal deh dhari dhir
Charan kamal raj chahati kripa karahu raghubir