UtshovDoha 209
209.1
Chaupai
सुनि राजा अति अप्रिय बानी। हृदय कंप मुख दुति कुमुलानी।।
चौथेंपन पायउँ सुत चारी। बिप्र बचन नहिं कहेहु बिचारी।।
मागहु भूमि धेनु धन कोसा। सर्बस देउँ आजु सहरोसा।।
देह प्रान तें प्रिय कछु नाही। सोउ मुनि देउँ निमिष एक माही।।
सब सुत प्रिय मोहि प्रान कि नाईं। राम देत नहिं बनइ गोसाई।।
कहँ निसिचर अति घोर कठोरा। कहँ सुंदर सुत परम किसोरा।।
सुनि नृप गिरा प्रेम रस सानी। हृदयँ हरष माना मुनि ग्यानी।।
तब बसिष्ट बहु निधि समुझावा। नृप संदेह नास कहँ पावा।।
अति आदर दोउ तनय बोलाए। हृदयँ लाइ बहु भाँति सिखाए।।
मेरे प्रान नाथ सुत दोऊ। तुम्ह मुनि पिता आन नहिं कोऊ।।
Suni raja ati apriy bani, hriday kamp mukh duti kumulani
Chauthempan payaum sut chari, bipra bachan nahin kahehu bichari
Magahu bhumi dhenu dhan kosa, sarbas deum aju saharosa
Deh pran ten priy kachhu nahi, sou muni deum nimish ek mahi
Sab sut priy mohi pran ki naim, ram det nahin banai gosai
Kaham nisichar ati ghor kathora, kaham sundar sut param kisora
Suni nrip gira prem ras sani, hridayam harash mana muni gyani
Tab basishta bahu nidhi samujhava, nrip sandeh nas kaham pava
Ati adar dou tanay bolae, hridayam lai bahu bhanti sikhae
Mere pran nath sut dou, tumha muni pita an nahin kou
209.2
Doha/soratha
सौंपे भूप रिषिहि सुत बहु बिधि देइ असीस।
जननी भवन गए प्रभु चले नाइ पद सीस ॥208(क)॥
Saumpe bhup rishihi sut bahu bidhi dei asis
Janani bhavan gae prabhu chale nai pad sis, 208(ka)
209.3
Doha/soratha
पुरुषसिंह दोउ बीर हरषि चले मुनि भय हरन।।
कृपासिंधु मतिधीर अखिल बिस्व कारन करन ॥208(ख)॥
Purushasinh dou bir harashi chale muni bhay haran
Kripasindhu matidhir akhil bisva karan karan, 208(kh)