UtshovDoha 201
201.1
Chaupai
एहि बिधि राम जगत पितु माता। कोसलपुर बासिन्ह सुखदाता।।
जिन्ह रघुनाथ चरन रति मानी। तिन्ह की यह गति प्रगट भवानी।।
रघुपति बिमुख जतन कर कोरी। कवन सकइ भव बंधन छोरी।।
जीव चराचर बस कै राखे। सो माया प्रभु सों भय भाखे।।
भृकुटि बिलास नचावइ ताही। अस प्रभु छाड़ि भजिअ कहु काही।।
मन क्रम बचन छाड़ि चतुराई। भजत कृपा करिहहिं रघुराई।।
एहि बिधि सिसुबिनोद प्रभु कीन्हा। सकल नगरबासिन्ह सुख दीन्हा।।
लै उछंग कबहुँक हलरावै। कबहुँ पालनें घालि झुलावै।।
Ehi bidhi ram jagat pitu mata, kosalapur basinha sukhadata
Jinha raghunath charan rati mani, tinha ki yah gati pragat bhavani
Raghupati bimukh jatan kar kori, kavan sakai bhav bandhan chhori
Jiv charachar bas kai rakhe, so maya prabhu son bhay bhakhe
Bhrikuti bilas nachavai tahi, as prabhu chhari bhajia kahu kahi
Man kram bachan chhari chaturai, bhajat kripa karihahin raghurai
Ehi bidhi sisubinod prabhu kinha, sakal nagarabasinha sukh dinha
Lai uchhang kabahunk halaravai, kabahun palanen ghali jhulavai
201.2
Doha/soratha
प्रेम मगन कौसल्या निसि दिन जात न जान।
सुत सनेह बस माता बालचरित कर गान ॥200॥
Prem magan kausalya nisi din jat na jan
Sut saneh bas mata balacharit kar gan