UtshovDoha 200
200.1
Chaupai
काम कोटि छबि स्याम सरीरा। नील कंज बारिद गंभीरा।।
अरुन चरन पकंज नख जोती। कमल दलन्हि बैठे जनु मोती।।
रेख कुलिस धवज अंकुर सोहे। नूपुर धुनि सुनि मुनि मन मोहे।।
कटि किंकिनी उदर त्रय रेखा। नाभि गभीर जान जेहि देखा।।
भुज बिसाल भूषन जुत भूरी। हियँ हरि नख अति सोभा रूरी।।
उर मनिहार पदिक की सोभा। बिप्र चरन देखत मन लोभा।।
कंबु कंठ अति चिबुक सुहाई। आनन अमित मदन छबि छाई।।
दुइ दुइ दसन अधर अरुनारे। नासा तिलक को बरनै पारे।।
सुंदर श्रवन सुचारु कपोला। अति प्रिय मधुर तोतरे बोला।।
चिक्कन कच कुंचित गभुआरे। बहु प्रकार रचि मातु सँवारे।।
पीत झगुलिआ तनु पहिराई। जानु पानि बिचरनि मोहि भाई।।
रूप सकहिं नहिं कहि श्रुति सेषा। सो जानइ सपनेहुँ जेहि देखा।।
Kam koti chhabi syam sarira, nil kanj barid gambhira
Arun charan pakanj nakh joti, kamal dalanhi baithe janu moti
Rekh kulis dhavaj ankur sohe, nupur dhuni suni muni man mohe
Kati kinkini udar tray rekha, nabhi gabhir jan jehi dekha
Bhuj bisal bhushan jut bhuri, hiyam hari nakh ati sobha ruri
Ur manihar padik ki sobha, bipra charan dekhat man lobha
Kambu kanth ati chibuk suhai, anan amit madan chhabi chhai
Dui dui dasan adhar arunare, nasa tilak ko baranai pare
Sundar shravan sucharu kapola, ati priy madhur totare bola
Chikkan kach kunchit gabhuare, bahu prakar rachi matu sanvare
Pit jhagulia tanu pahirai, janu pani bicharani mohi bhai
Rup sakahin nahin kahi shruti sesha, so janai sapanehun jehi dekha
200.2
Doha/soratha
सुख संदोह मोहपर ग्यान गिरा गोतीत।
दंपति परम प्रेम बस कर सिसुचरित पुनीत ॥199॥
Sukh sandoh mohapar gyan gira gotit
Dampati param prem bas kar sisucharit punit