UtshovDoha 198
198.1
Chaupai
कछुक दिवस बीते एहि भाँती। जात न जानिअ दिन अरु राती।।
नामकरन कर अवसरु जानी। भूप बोलि पठए मुनि ग्यानी।।
करि पूजा भूपति अस भाषा। धरिअ नाम जो मुनि गुनि राखा।।
इन्ह के नाम अनेक अनूपा। मैं नृप कहब स्वमति अनुरूपा।।
जो आनंद सिंधु सुखरासी। सीकर तें त्रैलोक सुपासी।।
सो सुख धाम राम अस नामा। अखिल लोक दायक बिश्रामा।।
बिस्व भरन पोषन कर जोई। ताकर नाम भरत अस होई।।
जाके सुमिरन तें रिपु नासा। नाम सत्रुहन बेद प्रकासा।।
Kachhuk divas bite ehi bhanti, jat na jania din aru rati
Namakaran kar avasaru jani, bhup boli pathae muni gyani
Kari puja bhupati as bhasha, dharia nam jo muni guni rakha
Inha ke nam anek anupa, main nrip kahab svamati anurupa
Jo anand sindhu sukharasi, sikar ten trailok supasi
So sukh dham ram as nama, akhil lok dayak bishrama
Bisva bharan poshan kar joi, takar nam bharat as hoi
Jake sumiran ten ripu nasa, nam satruhan bed prakasa
198.2
Doha/soratha
लच्छन धाम राम प्रिय सकल जगत आधार।
गुरु बसिष्ट तेहि राखा लछिमन नाम उदार ॥197॥
Lachchhan dham ram priy sakal jagat adhar
Guru basishta tehi rakha lachhiman nam udar