UtshovDoha 196
196.1
Chaupai
कैकयसुता सुमित्रा दोऊ। सुंदर सुत जनमत भैं ओऊ।।
वह सुख संपति समय समाजा। कहि न सकइ सारद अहिराजा।।
अवधपुरी सोहइ एहि भाँती। प्रभुहि मिलन आई जनु राती।।
देखि भानू जनु मन सकुचानी। तदपि बनी संध्या अनुमानी।।
अगर धूप बहु जनु अँधिआरी। उड़इ अभीर मनहुँ अरुनारी।।
मंदिर मनि समूह जनु तारा। नृप गृह कलस सो इंदु उदारा।।
भवन बेदधुनि अति मृदु बानी। जनु खग मूखर समयँ जनु सानी।।
कौतुक देखि पतंग भुलाना। एक मास तेइँ जात न जाना।।
Kaikayasuta sumitra dou, sundar sut janamat bhain ou
Vah sukh sampati samay samaja, kahi na sakai sarad ahiraja
Avadhapuri sohai ehi bhanti, prabhuhi milan ai janu rati
Dekhi bhanu janu man sakuchani, tadapi bani sandhya anumani
Agar dhup bahu janu andhiari, urai abhir manahun arunari
Mandir mani samuh janu tara, nrip grih kalas so indu udara
Bhavan bedadhuni ati mridu bani, janu khag mukhar samayam janu sani
Kautuk dekhi patang bhulana, ek mas teim jat na jana
196.2
Doha/soratha
मास दिवस कर दिवस भा मरम न जानइ कोइ।
रथ समेत रबि थाकेउ निसा कवन बिधि होइ ॥195॥
Mas divas kar divas bha maram na janai koi
Rath samet rabi thakeu nisa kavan bidhi hoi