UtshovDoha 188
188.1
Chaupai
जनि डरपहु मुनि सिद्ध सुरेसा। तुम्हहि लागि धरिहउँ नर बेसा।।
अंसन्ह सहित मनुज अवतारा। लेहउँ दिनकर बंस उदारा।।
कस्यप अदिति महातप कीन्हा। तिन्ह कहुँ मैं पूरब बर दीन्हा।।
ते दसरथ कौसल्या रूपा। कोसलपुरीं प्रगट नरभूपा।।
तिन्ह के गृह अवतरिहउँ जाई। रघुकुल तिलक सो चारिउ भाई।।
नारद बचन सत्य सब करिहउँ। परम सक्ति समेत अवतरिहउँ।।
हरिहउँ सकल भूमि गरुआई। निर्भय होहु देव समुदाई।।
गगन ब्रह्मबानी सुनी काना। तुरत फिरे सुर हृदय जुड़ाना।।
तब ब्रह्मा धरनिहि समुझावा। अभय भई भरोस जियँ आवा।।
Jani darapahu muni siddha suresa, tumhahi lagi dharihaum nar besa
Ansanha sahit manuj avatara, lehaum dinakar bans udara
Kasyap aditi mahatap kinha, tinha kahun main purab bar dinha
Te dasarath kausalya rupa, kosalapurin pragat narabhupa
Tinha ke grih avatarihaum jai, raghukul tilak so chariu bhai
Narad bachan satya sab karihaum, param sakti samet avatarihaum
Harihaum sakal bhumi garuai, nirbhay hohu dev samudai
Gagan brahmabani suni kana, turat phire sur hriday jurana
Tab brahma dharanihi samujhava, abhay bhai bharos jiyam ava
188.2
Doha/soratha
निज लोकहि बिरंचि गे देवन्ह इहइ सिखाइ।
बानर तनु धरि धरि महि हरि पद सेवहु जाइ ॥187॥
Nij lokahi biranchi ge devanha ihai sikhai
Banar tanu dhari dhari mahi hari pad sevahu jai