UtshovDoha 187
187.1
Chhand
जय जय सुरनायक जन सुखदायक प्रनतपाल भगवंता।
गो द्विज हितकारी जय असुरारी सिधुंसुता प्रिय कंता।।
पालन सुर धरनी अद्भुत करनी मरम न जानइ कोई।
जो सहज कृपाला दीनदयाला करउ अनुग्रह सोई।।
जय जय अबिनासी सब घट बासी ब्यापक परमानंदा।
अबिगत गोतीतं चरित पुनीतं मायारहित मुकुंदा।।
जेहि लागि बिरागी अति अनुरागी बिगतमोह मुनिबृंदा।
निसि बासर ध्यावहिं गुन गन गावहिं जयति सच्चिदानंदा।।
जेहिं सृष्टि उपाई त्रिबिध बनाई संग सहाय न दूजा।
सो करउ अघारी चिंत हमारी जानिअ भगति न पूजा।।
जो भव भय भंजन मुनि मन रंजन गंजन बिपति बरूथा।
मन बच क्रम बानी छाड़ि सयानी सरन सकल सुर जूथा।।
सारद श्रुति सेषा रिषय असेषा जा कहुँ कोउ नहि जाना।
जेहि दीन पिआरे बेद पुकारे द्रवउ सो श्रीभगवाना।।
भव बारिधि मंदर सब बिधि सुंदर गुनमंदिर सुखपुंजा।
मुनि सिद्ध सकल सुर परम भयातुर नमत नाथ पद कंजा।।
Jay jay suranayak jan sukhadayak pranatapal bhagavanta
Go dvij hitakari jay asurari sidhunsuta priy kanta
Palan sur dharani adbhut karani maram na janai koi
Jo sahaj kripala dinadayala karau anugrah soi
Jay jay abinasi sab ghat basi byapak paramananda
Abigat gotitam charit punitam mayarahit mukunda
Jehi lagi biragi ati anuragi bigatamoh munibrinda
Nisi basar dhyavahin gun gan gavahin jayati sachchidananda
Jehin srishti upai tribidh banai sang sahaya na duja
So karau aghari chint hamari jania bhagati na puja
Jo bhav bhay bhanjan muni man ranjan ganjan bipati barutha
Man bach kram bani chhari sayani saran sakal sur jutha
Sarad shruti sesha rishay asesha ja kahun kou nahi jana
Jehi din piare bed pukare dravau so shribhagavana
Bhav baridhi mandar sab bidhi sundar gunamandir sukhapunja
Muni siddha sakal sur param bhayatur namat nath pad kanja
187.2
Doha/soratha
जानि सभय सुरभूमि सुनि बचन समेत सनेह।
गगनगिरा गंभीर भइ हरनि सोक संदेह ॥186॥
Jani sabhay surabhumi suni bachan samet saneh
Gaganagira gambhir bhai harani sok sandeh