UtshovDoha 185
185.1
Chaupai
बाढ़े खल बहु चोर जुआरा। जे लंपट परधन परदारा।।
मानहिं मातु पिता नहिं देवा। साधुन्ह सन करवावहिं सेवा।।
जिन्ह के यह आचरन भवानी। ते जानेहु निसिचर सब प्रानी।।
अतिसय देखि धर्म कै ग्लानी। परम सभीत धरा अकुलानी।।
गिरि सरि सिंधु भार नहिं मोही। जस मोहि गरुअ एक परद्रोही।।
सकल धर्म देखइ बिपरीता। कहि न सकइ रावन भय भीता।।
धेनु रूप धरि हृदयँ बिचारी। गई तहाँ जहँ सुर मुनि झारी।।
निज संताप सुनाएसि रोई। काहू तें कछु काज न होई।।
Barhe khal bahu chor juara, je lampat paradhan paradara
Manahin matu pita nahin deva, sadhunha san karavavahin seva
Jinha ke yah acharan bhavani, te janehu nisichar sab prani
Atisay dekhi dharma kai glani, param sabhit dhara akulani
Giri sari sindhu bhar nahin mohi, jas mohi garua ek paradrohi
Sakal dharma dekhai biparita, kahi na sakai ravan bhay bhita
Dhenu rup dhari hridayam bichari, gai tahan jaham sur muni jhari
Nij santap sunaesi roi, kahu ten kachhu kaj na hoi
185.2
Chhand
सुर मुनि गंधर्बा मिलि करि सर्बा गे बिरंचि के लोका।
सँग गोतनुधारी भूमि बिचारी परम बिकल भय सोका।।
ब्रह्माँ सब जाना मन अनुमाना मोर कछू न बसाई।
जा करि तैं दासी सो अबिनासी हमरेउ तोर सहाई।।
Sur muni gandharba mili kari sarba ge biranchi ke loka
Sang gotanudhari bhumi bichari param bikal bhay soka
Brahman sab jana man anumana mor kachhu na basai
Ja kari tain dasi so abinasi hamareu tor sahai
185.3
Doha/soratha
धरनि धरहि मन धीर कह बिरंचि हरिपद सुमिरु।
जानत जन की पीर प्रभु भंजिहि दारुन बिपति ॥184॥
Dharani dharahi man dhir kah biranchi haripad sumiru
Janat jan ki pir prabhu bhanjihi darun bipati