UtshovDoha 183
183.1
Chaupai
मेघनाद कहुँ पुनि हँकरावा। दीन्ही सिख बलु बयरु बढ़ावा।।
जे सुर समर धीर बलवाना। जिन्ह कें लरिबे कर अभिमाना।।
तिन्हहि जीति रन आनेसु बाँधी। उठि सुत पितु अनुसासन काँधी।।
एहि बिधि सबही अग्या दीन्ही। आपुनु चलेउ गदा कर लीन्ही।।
चलत दसानन डोलति अवनी। गर्जत गर्भ स्त्रवहिं सुर रवनी।।
रावन आवत सुनेउ सकोहा। देवन्ह तके मेरु गिरि खोहा।।
दिगपालन्ह के लोक सुहाए। सूने सकल दसानन पाए।।
पुनि पुनि सिंघनाद करि भारी। देइ देवतन्ह गारि पचारी।।
रन मद मत्त फिरइ जग धावा। प्रतिभट खौजत कतहुँ न पावा।।
रबि ससि पवन बरुन धनधारी। अगिनि काल जम सब अधिकारी।।
किंनर सिद्ध मनुज सुर नागा। हठि सबही के पंथहिं लागा।।
ब्रह्मसृष्टि जहँ लगि तनुधारी। दसमुख बसबर्ती नर नारी।।
आयसु करहिं सकल भयभीता। नवहिं आइ नित चरन बिनीता।।
Meghanad kahun puni hankarava, dinhi sikh balu bayaru barhava
Je sur samar dhir balavana, jinha ken laribe kar abhimana
Tinhahi jiti ran anesu bandhi, uthi sut pitu anusasan kandhi
Ehi bidhi sabahi agya dinhi, apunu chaleu gada kar linhi
Chalat dasanan dolati avani, garjat garbha stravahin sur ravani
Ravan avat suneu sakoha, devanha take meru giri khoha
Digapalanha ke lok suhae, sune sakal dasanan pae
Puni puni singhanad kari bhari, dei devatanha gari pachari
Ran mad matta phirai jag dhava, pratibhat khaujat katahun na pava
Rabi sasi pavan barun dhanadhari, agini kal jam sab adhikari
Kinnar siddha manuj sur naga, hathi sabahi ke panthahin laga
Brahmasrishti jaham lagi tanudhari, dasamukh basabarti nar nari
Ayasu karahin sakal bhayabhita, navahin ai nit charan binita
183.2
Doha/soratha
भुजबल बिस्व बस्य करि राखेसि कोउ न सुतंत्र।
मंडलीक मनि रावन राज करइ निज मंत्र ॥182(क)॥
Bhujabal bisva basya kari rakhesi kou na sutantra
Mandalik mani ravan raj karai nij mantra, 182(ka)
183.3
Doha/soratha
देव जच्छ गंधर्व नर किंनर नाग कुमारि।
जीति बरीं निज बाहुबल बहु सुंदर बर नारि ॥182॥
Dev jachchha gandharva nar kinnar nag kumari
Jiti barin nij bahubal bahu sundar bar nari