UtshovDoha 181
181.1
Chaupai
सुख संपति सुत सेन सहाई। जय प्रताप बल बुद्धि बड़ाई।।
नित नूतन सब बाढ़त जाई। जिमि प्रतिलाभ लोभ अधिकाई।।
अतिबल कुंभकरन अस भ्राता। जेहि कहुँ नहिं प्रतिभट जग जाता।।
करइ पान सोवइ षट मासा। जागत होइ तिहुँ पुर त्रासा।।
जौं दिन प्रति अहार कर सोई। बिस्व बेगि सब चौपट होई।।
समर धीर नहिं जाइ बखाना। तेहि सम अमित बीर बलवाना।।
बारिदनाद जेठ सुत तासू। भट महुँ प्रथम लीक जग जासू।।
जेहि न होइ रन सनमुख कोई। सुरपुर नितहिं परावन होई।।
Sukh sampati sut sen sahai, jay pratap bal buddhi barai
Nit nutan sab barhat jai, jimi pratilabh lobh adhikai
Atibal kumbhakaran as bhrata, jehi kahun nahin pratibhat jag jata
Karai pan sovai shat masa, jagat hoi tihun pur trasa
Jaun din prati ahar kar soi, bisva begi sab chaupat hoi
Samar dhir nahin jai bakhana, tehi sam amit bir balavana
Baridanad jeth sut tasu, bhat mahun pratham lik jag jasu
Jehi na hoi ran sanamukh koi, surapur nitahin paravan hoi
181.2
Doha/soratha
कुमुख अकंपन कुलिसरद धूमकेतु अतिकाय।
एक एक जग जीति सक ऐसे सुभट निकाय ॥180॥
Kumukh akampan kulisarad dhumaketu atikaya
Ek ek jag jiti sak aise subhat nikaya