UtshovDoha 178
178.1
Chaupai
कीन्ह बिबिध तप तीनिहुँ भाई। परम उग्र नहिं बरनि सो जाई।।
गयउ निकट तप देखि बिधाता। मागहु बर प्रसन्न मैं ताता।।
करि बिनती पद गहि दससीसा। बोलेउ बचन सुनहु जगदीसा।।
हम काहू के मरहिं न मारें। बानर मनुज जाति दुइ बारें।।
एवमस्तु तुम्ह बड़ तप कीन्हा। मैं ब्रह्माँ मिलि तेहि बर दीन्हा।।
पुनि प्रभु कुंभकरन पहिं गयऊ। तेहि बिलोकि मन बिसमय भयऊ।।
जौं एहिं खल नित करब अहारू। होइहि सब उजारि संसारू।।
सारद प्रेरि तासु मति फेरी। मागेसि नीद मास षट केरी।।
Kinha bibidh tap tinihun bhai, param ugra nahin barani so jai
Gayau nikat tap dekhi bidhata, magahu bar prasanna main tata
Kari binati pad gahi dasasisa, boleu bachan sunahu jagadisa
Ham kahu ke marahin na maren, banar manuj jati dui baren
Evamastu tumha bar tap kinha, main brahman mili tehi bar dinha
Puni prabhu kumbhakaran pahin gayau, tehi biloki man bisamay bhayau
Jaun ehin khal nit karab aharu, hoihi sab ujari sansaru
Sarad preri tasu mati pheri, magesi nid mas shat keri
178.2
Doha/soratha
गए बिभीषन पास पुनि कहेउ पुत्र बर मागु।
तेहिं मागेउ भगवंत पद कमल अमल अनुरागु ॥177॥
Gae bibhishan pas puni kaheu putra bar magu
Tehin mageu bhagavant pad kamal amal anuragu