UtshovDoha 177
177.1
Chaupai
काल पाइ मुनि सुनु सोइ राजा। भयउ निसाचर सहित समाजा।।
दस सिर ताहि बीस भुजदंडा। रावन नाम बीर बरिबंडा।।
भूप अनुज अरिमर्दन नामा। भयउ सो कुंभकरन बलधामा।।
सचिव जो रहा धरमरुचि जासू। भयउ बिमात्र बंधु लघु तासू।।
नाम बिभीषन जेहि जग जाना। बिष्नुभगत बिग्यान निधाना।।
रहे जे सुत सेवक नृप केरे। भए निसाचर घोर घनेरे।।
कामरूप खल जिनस अनेका। कुटिल भयंकर बिगत बिबेका।।
कृपा रहित हिंसक सब पापी। बरनि न जाहिं बिस्व परितापी।।
Kal pai muni sunu soi raja, bhayau nisachar sahit samaja
Das sir tahi bis bhujadanda, ravan nam bir baribanda
Bhup anuj arimardan nama, bhayau so kumbhakaran baladhama
Sachiv jo raha dharamaruchi jasu, bhayau bimatra bandhu laghu tasu
Nam bibhishan jehi jag jana, bishnubhagat bigyan nidhana
Rahe je sut sevak nrip kere, bhae nisachar ghor ghanere
Kamarup khal jinas aneka, kutil bhayankar bigat bibeka
Kripa rahit hinsak sab papi, barani na jahin bisva paritapi
177.2
Doha/soratha
उपजे जदपि पुलस्त्यकुल पावन अमल अनूप।
तदपि महीसुर श्राप बस भए सकल अघरूप ॥176॥
Upaje jadapi pulastyakul pavan amal anup
Tadapi mahisur shrap bas bhae sakal agharup