UtshovDoha 162
162.1
Chaupai
कह नृप जे बिग्यान निधाना। तुम्ह सारिखे गलित अभिमाना।।
सदा रहहि अपनपौ दुराएँ। सब बिधि कुसल कुबेष बनाएँ।।
तेहि तें कहहि संत श्रुति टेरें। परम अकिंचन प्रिय हरि केरें।।
तुम्ह सम अधन भिखारि अगेहा। होत बिरंचि सिवहि संदेहा।।
जोसि सोसि तव चरन नमामी। मो पर कृपा करिअ अब स्वामी।।
सहज प्रीति भूपति कै देखी। आपु बिषय बिस्वास बिसेषी।।
सब प्रकार राजहि अपनाई। बोलेउ अधिक सनेह जनाई।।
सुनु सतिभाउ कहउँ महिपाला। इहाँ बसत बीते बहु काला।।
Kah nrip je bigyan nidhana, tumha sarikhe galit abhimana
Sada rahahi apanapau duraem, sab bidhi kusal kubesh banaem
Tehi ten kahahi sant shruti teren, param akinchan priy hari keren
Tumha sam adhan bhikhari ageha, hot biranchi sivahi sandeha
Josi sosi tav charan namami, mo par kripa karia ab svami
Sahaj priti bhupati kai dekhi, apu bishay bisvas biseshi
Sab prakar rajahi apanai, boleu adhik saneh janai
Sunu satibhau kahaum mahipala, ihan basat bite bahu kala
162.2
Doha/soratha
अब लगि मोहि न मिलेउ कोउ मैं न जनावउँ काहु।
लोकमान्यता अनल सम कर तप कानन दाहु ॥161(क)॥
Ab lagi mohi na mileu kou main na janavaum kahu
Lokamanyata anal sam kar tap kanan dahu, 161(ka)
162.3
Doha/soratha
तुलसी देखि सुबेषु भूलहिं मूढ़ न चतुर नर।
सुंदर केकिहि पेखु बचन सुधा सम असन अहि ॥161(ख)॥
Tulasi dekhi subeshu bhulahin murh na chatur nar
Sundar kekihi pekhu bachan sudha sam asan ahi, 161(kh)