UtshovDoha 159
159.1
Chaupai
फिरत बिपिन आश्रम एक देखा। तहँ बस नृपति कपट मुनिबेषा।।
जासु देस नृप लीन्ह छड़ाई। समर सेन तजि गयउ पराई।।
समय प्रतापभानु कर जानी। आपन अति असमय अनुमानी।।
गयउ न गृह मन बहुत गलानी। मिला न राजहि नृप अभिमानी।।
रिस उर मारि रंक जिमि राजा। बिपिन बसइ तापस कें साजा।।
तासु समीप गवन नृप कीन्हा। यह प्रतापरबि तेहि तब चीन्हा।।
राउ तृषित नहि सो पहिचाना। देखि सुबेष महामुनि जाना।।
उतरि तुरग तें कीन्ह प्रनामा। परम चतुर न कहेउ निज नामा।।
Phirat bipin ashram ek dekha, taham bas nripati kapat munibesha
Jasu des nrip linha chharai, samar sen taji gayau parai
Samay pratapabhanu kar jani, apan ati asamay anumani
Gayau na grih man bahut galani, mila na rajahi nrip abhimani
Ris ur mari rank jimi raja, bipin basai tapas ken saja
Tasu samip gavan nrip kinha, yah prataparabi tehi tab chinha
Rau trishit nahi so pahichana, dekhi subesh mahamuni jana
Utari turag ten kinha pranama, param chatur na kaheu nij nama
159.2
Doha/soratha
भूपति तृषित बिलोकि तेहिं सरबरु दीन्ह देखाइ।
मज्जन पान समेत हय कीन्ह नृपति हरषाइ ॥158॥
Bhupati trishit biloki tehin sarabaru dinha dekhai
Majjan pan samet hay kinha nripati harashai