UtshovDoha 158
158.1
Chaupai
आवत देखि अधिक रव बाजी। चलेउ बराह मरुत गति भाजी।।
तुरत कीन्ह नृप सर संधाना। महि मिलि गयउ बिलोकत बाना।।
तकि तकि तीर महीस चलावा। करि छल सुअर सरीर बचावा।।
प्रगटत दुरत जाइ मृग भागा। रिस बस भूप चलेउ संग लागा।।
गयउ दूरि घन गहन बराहू। जहँ नाहिन गज बाजि निबाहू।।
अति अकेल बन बिपुल कलेसू। तदपि न मृग मग तजइ नरेसू।।
कोल बिलोकि भूप बड़ धीरा। भागि पैठ गिरिगुहाँ गभीरा।।
अगम देखि नृप अति पछिताई। फिरेउ महाबन परेउ भुलाई।।
Avat dekhi adhik rav baji, chaleu barah marut gati bhaji
Turat kinha nrip sar sandhana, mahi mili gayau bilokat bana
Taki taki tir mahis chalava, kari chhal suar sarir bachava
Pragatat durat jai mrig bhaga, ris bas bhup chaleu sang laga
Gayau duri ghan gahan barahu, jaham nahin gaj baji nibahu
Ati akel ban bipul kalesu, tadapi na mrig mag tajai naresu
Kol biloki bhup bar dhira, bhagi paith giriguhan gabhira
Agam dekhi nrip ati pachhitai, phireu mahaban pareu bhulai
158.2
Doha/soratha
खेद खिन्न छुद्धित तृषित राजा बाजि समेत।
खोजत ब्याकुल सरित सर जल बिनु भयउ अचेत ॥157॥
Khed khinna chhuddhit trishit raja baji samet
Khojat byakul sarit sar jal binu bhayau achet