UtshovDoha 117
117.1
Chaupai
सगुनहि अगुनहि नहिं कछु भेदा। गावहिं मुनि पुरान बुध बेदा।।
अगुन अरुप अलख अज जोई। भगत प्रेम बस सगुन सो होई।।
जो गुन रहित सगुन सोइ कैसें। जलु हिम उपल बिलग नहिं जैसें।।
जासु नाम भ्रम तिमिर पतंगा। तेहि किमि कहिअ बिमोह प्रसंगा।।
राम सच्चिदानंद दिनेसा। नहिं तहँ मोह निसा लवलेसा।।
सहज प्रकासरुप भगवाना। नहिं तहँ पुनि बिग्यान बिहाना।।
हरष बिषाद ग्यान अग्याना। जीव धर्म अहमिति अभिमाना।।
राम ब्रह्म ब्यापक जग जाना। परमानन्द परेस पुराना।।
Sagunahi agunahi nahin kachhu bheda, gavahin muni puran budh beda
Agun arup alakh aj joi, bhagat prem bas sagun so hoi
Jo gun rahit sagun soi kaisen, jalu him upal bilag nahin jaisen
Jasu nam bhram timir patanga, tehi kimi kahia bimoh prasanga
Ram sachchidanand dinesa, nahin taham moh nisa lavalesa
Sahaj prakasarup bhagavana, nahin taham puni bigyan bihana
Harash bishad gyan agyana, jiv dharma ahamiti abhimana
Ram brahma byapak jag jana, paramananda pares purana
117.2
Doha/soratha
पुरुष प्रसिद्ध प्रकास निधि प्रगट परावर नाथ।।
रघुकुलमनि मम स्वामि सोइ कहि सिवँ नायउ माथ ॥116॥
Purush prasiddha prakas nidhi pragat paravar nath
Raghukulamani mam svami soi kahi sivam nayau math