UtshovDoha 116
116.1
Chaupai
अग्य अकोबिद अंध अभागी। काई बिषय मुकर मन लागी।।
लंपट कपटी कुटिल बिसेषी। सपनेहुँ संतसभा नहिं देखी।।
कहहिं ते बेद असंमत बानी। जिन्ह कें सूझ लाभु नहिं हानी।।
मुकर मलिन अरु नयन बिहीना। राम रूप देखहिं किमि दीना।।
जिन्ह कें अगुन न सगुन बिबेका। जल्पहिं कल्पित बचन अनेका।।
हरिमाया बस जगत भ्रमाहीं। तिन्हहि कहत कछु अघटित नाहीं।।
बातुल भूत बिबस मतवारे। ते नहिं बोलहिं बचन बिचारे।।
जिन्ह कृत महामोह मद पाना। तिन् कर कहा करिअ नहिं काना।।
Agya akobid andh abhagi, kai bishay mukar man lagi
Lampat kapati kutil biseshi, sapanehun santasabha nahin dekhi
Kahahin te bed asammat bani, jinha ken sujh labhu nahin hani
Mukar malin aru nayan bihina, ram rup dekhahin kimi dina
Jinha ken agun na sagun bibeka, jalpahin kalpit bachan aneka
Harimaya bas jagat bhramahin, tinhahi kahat kachhu aghatit nahin
Batul bhut bibas matavare, te nahin bolahin bachan bichare
Jinha krit mahamoh mad pana, tin kar kaha karia nahin kana
116.2
Doha/soratha
अस निज हृदयँ बिचारि तजु संसय भजु राम पद।
सुनु गिरिराज कुमारि भ्रम तम रबि कर बचन मम ॥115॥
As nij hridayam bichari taju sansay bhaju ram pad
Sunu giriraj kumari bhram tam rabi kar bachan mam